የፍጥነታችንን የ10 ቤት ቁጥር በ 3 በማባዛት በእያንዳንዷ ሰከንድ የምንሸፍነውን ርቀት መተንበይ እንችላለን። ለምሳሌ በተንቀሳቃሽ ሰዕሉ ላይ የሚታየው ተሽከርካሪ በ 50 ኪሜ/ሰዓት እየተጓዘ ሲሆን፣ የፍጥነቱን የ10 ቤት ቁጥር ፣ ማለትም 5 ን በ 3 በማባዛት (5 x 3) ወደ 15 ሜትር (የ 4 ቶዮታ ቪትዝ ርዝመት)  በእያንዳንዷ ሰከንድ እንደሚሸፍን ማወቅ ይችላል። በሌላ አገላለጽ 4 ቪትዝ መኪናዎች ቢደረደሩ የሚሰጡትን ርቀት የሚጠጋ ማለት ነው።

በ 60 ኪሜ/ሰዓት እየተጓዘ ቢሆን 6 ን በ 3 በማባዛት (6 x 3) ወደ 18 ሜትር (የ 5 ቶዮታ ቪትዝ ርዝመት)  በእያንዳንዷ ሰከንድ ይሸፍናል ማለት ነው።

ይህን ማወቅ ለምን ይጠቅማል?

ይህን በማወቃችን ምን ድምዳሜ ላይ እንደርሳለን?

በሌሎች ገፆች ላይ በዝርዝር እንደምንመለከተው የምንገኝበትን ሁኔታ ባገናዘበ መልኩ በቂ ርቀት መጠበቅና ፍጥነታችንን መገደብ እንደሚገባን እንገነዘባለን።